Me bandat duhet të përballen dhëmb për dhëmb. Kështu deklaroi sot ish-deputeti demokrat Enkelejd Alibeaj, që iu bashkua bashkë me Jorida Tabakun dhe Klevis Balliun, protestës së banorëve të Bregut të Lumit, në mbrojtje të banesave të tyre.
Banorët e 38 shtëpive kundërshtojnë shembjen e banesave pa marrë më parë dëmshpërblimin që iu takon sipas tyre nga Bashkia e Tiranës.
Ndërkohë Alibeaj duke bërë një paralelizëm mes protestës së Unazës së Re dhe asaj te Bregu i Lumit, tha se qytetarët duhet të përdorin të njëjtën strategji, dhëmb për dhëmb me bandat.
“Ju mendoni se bandat njohin orar zyrtar? Bandave dhëmb për dhëmb. Dy duar për një kokë. Kjo është e vetmja zgjidhje dhe që funksionon. Funksionoi tek Astiri, do funksionojë këtu dhe për gjithë shqiptarët.”, tha Alibeaj.
