Një avion ushtarak ka bombarduar të vetmin aeroport operativ në kryeqytetin libian, raportuan disa agjenci ndërkombëtare të medias duke iu referuar raportimeve lokale. Aeroporti i Tripolit, Matiga, ndodhet në lindje të kryeqytetit.
Ndërkohë, numri i viktimave dhe personave të zhvendosur është rritur për shkak të përparimit të Ushtrisë Kombëtare Libiane (LNA) besnike ndaj ish-gjeneralit Gaddafi Khalifa Haftar drejt kryeqytetit Tripoli.
Ushtria e Haftar raportohet se humbi 19 burra, ndërsa një zëdhënës i Ministrisë së Shëndetësisë të qeverisë së unitetit kombëtar të kryesuar nga Fayez al-Serraj, me bazë në Tripoli njoftoi se të paktën 25 vetë – përfshirë civilë – u vranë dhe 80 të tjerë u plagosën në përleshjet në jug të kryeqytetit.
Rreth 2,800 njerëz u detyruan të largoheshin nga shtëpitë e tyre, sipas OKB-së. /Boldnews.al/
