Reforma në drejtësi ka hyrë në rrugë të gabuar. Kështu u shpreh nënkryetari i LSI-së, Petrit Vasili, i cili duke cituar një raport të Komitetit Shqiptar të Helsinkit, tha se 60 % e shqiptarëve nuk besojnë tek reforma në drejtësi.
“Kam thirrje për të gjithë ata ‘entuziastë’ që këmbëngulin për të folur për një sukses dhe ecuri shumë pozitive dhe shpresëdhënëse të reformës në drejtësi. Nuk mund të fshihemi pas gishtit.
Reforma në drejtësi ka hyrë në rrugë të gabuar. Shkaku është kapja e drejtësisë nga Edi Rama. Të sakrifikosh reformën në drejtësi vetëm e vetëm për të mbajtur Edi Ramën, i cili e do këtë reformë për tu mbrojtur nga pandëshkueshmëria e këtij korrupsioni të frikshëm që godet tek Unaza e Re, që po godet tek Bregu i Lumit qytetarët e tjerë, korrupsioni që nuk ndëshkohet.
Kurse ata që vjedhin e plaçkitnin buzëqeshin e shëtisin ndërsa qytetarët që duan të mbrojnë shtëpinë e tyre burgosen. Kjo është drejtësia që shumica e shqiptarëve nuk e besojnë më.
Mbi 60% e tyre nuk e besojnë më reformën në drejtësi dhe refuzojnë të gjitha sugjerimet ngado që vijnë në shqip e në anglisht duke e shitur në një sukses të paqenë që ka lënë vendin pa drejtësi, gjykata por ka garantuar edhe pandëshkueshmërinë absolute për qeveritarët që janë bërë njësh me krimin dhe bëjnë korrupsion në mes të ditës.
Në mënyrë që shqiptarët të kthehen në shtëpi duhen çuar para drejtësisë këta që po shkatërrojnë drejtësinë duke filluar nga Edi Rama”, tha Vasili.
