Banorët e Unazës së Re kanë vijuar edhe pasditen e sotme protestën e tyre, ndërsa i kanë bërë thirrje Policisë së Shtetit, të gjejë sa më parë drejtuesin e automjetit që dy ditë më parë sulmoi protestuesit.
Një prej banorëve të Unazës së Re, i ka bërë thirrje policisë që nëse nuk gjen dhe çon para drejtësisë atë që sulmoi protestuesit, kjo do të thotë se ai është i lidhur me policinë.
“Jeni policia e shtetit, jo policia e krimit. Gjeni provokatorin, gjeni atë që sulmoi me makinë protestuesit.
Ndërsa horrit Edi Rama i bëj thirrje që të heqë dorë nga projekti te Unaza e Re, pasi ne jemi shqiptarë, njëlloj si ato që kanë pronat në jug të vendit.
Ne s’kemi pranuar që të marrim pasaporta të një vendi tjetër, ndaj siç u tërhoqe nga projekti në jug, tërhiqu edhe nga projekti këtu.
Ndërsa ky vemja e bashkisë, Erjon Veliaj, sot po fut duart edhe te fondet e jetimëve.
Veliaj mos guxojë të shkelë më te Unaza e Re. Sa për votat që thua se do fitosh te Astiri, hajde ta provosh.
Sot mban në burg Dorian Protoduarin, ndërsa Sajmir Tahiri i akuzuar për trafik droge, këndon dhe pi me paratë e drogës në klubet e natës”, tha banori i Unazës së Re.
Nën thirrjet këtu vendos sovrani, banorët e Unazës së Re, i kanë bërë thirrje policisë që të mos provokojë qytetarët.
Ndërsa ish-deputeti Klevis Balliu, tha se një njeri që rrezikon të dënohet me 20 vite burg, shkon dhe kërcen në klube nate, pasi e di që vendimin nuk e jep drejtësia, por Edi Rama.
“Ai ka në xhep përgjimet e Edi Ramës, ndaj dhe ai sot kërcen në klube nate.
Saje qorri hidhet në klubet e natës duke shpenzuar paratë që ka bërë me drogën, ndërsa çunat tanë rrinë në burg se protestojnë”, tha Balliu.
