Igli Tare, Drejtori Sportiv i Lazios, është dënuar me 5 mijë euro gjobë nga Federata Italiane e Futbollit.
Shkak për këtë gjobë janë bërë kontestimet e Tares ndaj gjyqtarëve përgjegjës për monitorimin e VAR në ndeshjen SPAL- Lazio.
Tare shprehu pakënaqësi deri në akuza ndaj penalltisë së akorduar në ndeshjen e 3 prillit, e cila i kushtoi një humbje të rëndë Lazio-s në minutën e 89-të në transfertën e Ferrarës.
Në minutën e 89-të kryesori i ndeshjes pas një kontakti në zonë dha faull në favor të Lazio-s duke ndëshkuar madje me karton të verdhë lojtarin e SPAL, por pas monitorimit me VAR vendosi për penallti e cila u shënua nga Andrea Petagna.
