Besfort Llamallari, zv.ministër i Brendshëm, ka humbur totalisht logjikën në një debat televiz me një debat me gazetarë, ndërsa ka parë si frontin e së keqes gazetarët.
Llamallari, i vendosur nën kritikat e gazetarëve të pranishëm, është hedhur në sulm, duke drejtuar gishtin te gazetarët, që sipas tij bëjnë pushime me paratë e krimit.
Por Llamallari është pyetur disa herë për të nxjerrë emra konkretë, por Llamallari ka vijuar me “lajthitjet” e tij.
Në një moment ai ka kërkuar që gazetarët të mos nxjerrin sekretet hetimore, duke theksuar se të nxjerrësh dosje që janë sekret hetimor, është thjesht të zbatosh ligjin si prokuror, si avokat, si gazetar.
Llamallari nuk ishte në gjendje të jepte një përgjigje se cili ligj detyron gazetarin që të ruaje sekretin hetimor, përsa kohë ligji ngarkon institucionet e tjera.
Me një gjuhë pothuajse armiqësore ndaj gazetarëve, Llamallari ka shkuar deri atje sa ka mohuar ekzistencën e krimit të organizuar, ndonëse janë me dhjetra raporte e deklarata, në shqip dhe çdo gjuhë të huaj të BE-së, që vënë theksin në luftën ndaj krimit të organizuar.
Në një tjetër moment, Llamallari nuk nguron të quajë seri telenovele denoncimet që bëhen, veçanërisht mbi përgjimet që policia i ka bërë gazetarëve në rastin e çështjes “Babalja”.
Zv.ministri i Ramës ka hapur një debat me çdo gazetar që ka pasur në studio, ndërsa në krah i është shfaqur analisti Lorenc Vangjeli, që ka mbështetur idenë se gazetarët kanë shpenzime dhe bëjnë një jetë që nuk e justifikojnë pagën e tyre. Por edhe në këtë drejtim, vangjeli nuk ishte në gjendje të jepte emra, por u mjaftua me atë që agjensitë ligjzbatuese mund të hetojnë.