Avokati Adriatik Lapaj ka reaguar në një postim në rrjet pas deklarimeve të gazetarit Artan Hoxha, ku debatohej për çështjet e kriminalitetit.
Hoxha gjatë debatit ka marrë përsipër të shpjegojë ligjin procedurial, dokumentet që prokuroria le në dosjet penale, provat etj.
“Gazetari në Opinion merr përsipër të bëj ekspertin e ligjit procedurial penal. Guxim i madh vallahi.
Dosja penale ka materiale që nuk janë pastruar thotë.
Shoku gazetar, aktet e dosjes penale bëhen pjesë e saj në bazë të ligjit ku përcaktohet qartësisht mënyra dhe mjetet e marrjes së provës.
Si pastrohet një dosje penale?! Sipas gazetarit Prokurori ka harruar në dosje dokumenta që ç’montojnë akuzën dhe e ka cuar dosjen në gjykatë.
Pasi merren provat dhe bëhen pjesë e fashikullit që dërgohet në gjykatë nuk ka si të pastrohen mjeshtër. Ato ose pranohen nga gjykata ose rrëzohen”, shkruan avokati.