Deputeti, Ralf Gjoni, i cili u fut në parlament nga lista e LSI, duke përfituar nga djegia e mandateve nga ana e deputetëve të opozitës, deklaroi pas seancës së sotme se shteti ka rënë dhe është në krizë ekzistenciale.
Këtë deklaratë të deputetit Gjoni, analisti Ilir Demalia e ka lexuar si një autogol. Sipas tij një deputet që deklaron se shteti ka rënë dhe parlamenti është në krizë, nuk duhet të ishte bërë pjesë fare e këtij institucioni.
Ja postimi i Demaliajt:
Sot Ralf Gjoni, në Parlament tha:
- Sot i gjithë shteti ka rënë. Eshtë krizë ekzistenciale. Nuk ka gjykata. . .
-Përse hytë, përsë nuk dilni, nga një Parlament me shtet të rënë, në krizë ekzistenciale dhe pa gjykata siç dhe pohoni vetë?
- Parlamenti mblidhet si guerrile një herë të mërkurën, një herë të enjten.
-Përse beheni pjese e paligjishmerise duke ligjëruar me prezencën tuaj guerrilasit parlamentar të ilegjimitetit parlamentar?
- Ky Parlament për shkak të kodit zgjedhor me lista të mbyllura nga kryetarët është ilegjitim.
-Përse pranuat te vendosni gurin e radhës në listat e mbyllura kur e dinit së është ilegjitim dhe hyni me ilegjimitetin e listave në Parlament?
Përgjigje nuk pres nga papërgjeshmëria e patericës së paligjishmërisë.
