Në më pak se një muaj, studentët e Akademisë së Sigurisë helmohen dy herë me ushqimin e servirur në mensën e institucionit arsimor që përgatit efektivët e policisë.
Burime pranë Akademisë së Sigurisë thanë se pasi konsuamuan vaktin e darkës ditën e djeshme, dhjetëra studentë shfaqën shenja helmimi. Shumë prej tyre shkuan në spital për të marrë ndihmë mjekësore.
Në një denoncim të publikuar në rrjetet sociale, tregohet se si përgjegjësia për këtë ngjarje të përsëritur që dëmton shëndetin e studentëve, mbetet jetime.
“Doja te denocoja per ushqimin ne menzen e Akademise se Siguris ne Sauk. U bo e dyta her qe po helmohemi nga ushqimi! Esht nje skandal i vertet te hash ne menz, sot konkretisht ka mbi 60 student qe jan me diarre nga ushqimi qe kemi konsumuar dje edhe me e bukura esht qe na thon e keni ngaqe nuk lani dhomat me uje te bollshem edhe nuk leni dritaret te ajrosen. Ju lutem publikojeni se ndoshta po e shikon edhe kryeministri qe te bej dicka pra se te ket ndoshta mund te ket edhe ndonje viktim brenda muajt u bo e 2 her qe jemi ne ket gjendje”, thuhet në mesazhin e publikuar nga faqja në FB, “JOQ”.
Më 8 Mars, një rast i ngjashëm ndodhi në Akademinë e Sigurisë me studentë që u helmuan pas konsumimit të vaktit të darkës. Edhe sot, si atëherë, institucionet përgjegjëse nuk kanë asnjë reagim lidhur me ngjarjen. Asnjë fjalë nuk u tha nga Ministri i Brendshëm Sandër Lleshaj, i cili sot në parlament sulmoi opozitën dhe cilësoi si arritje numërimin e popullsisë. /Boldnews.al/
Lexo edhe: Salçiçe, pilaf dhe… Menyja e darkës që helmoi studentët e Akademisë së Sigurisë
