Kryeministrit Edi Rama duket se nuk i del e keqja me mediat. Sërisht sot, nga foltorja e Kuvendit ai ka sulmuar mediat, ndërsa si gjithmonë ka përdorur epitetin kadrinj
““Na dalin nëpër televizion analistë, që po na mbajnë flamurin e së vërtetës. Flasin tërë kohës, ndërsa realiteti është krejt ndryshe nga se deklarojnë dhe nxijnë ata.
Ka deputetë që janë aktivë në foltoren e Kuvendit dhe ka të tjerë që janë aktivë në qytetet që përfaqësojnë. Askush nuk mund t’i paragjykojë.
Çim Kadriu, Andi Kadriu, Kadri Lubonja, Ylli Kadriu, nuk mund t’i paragjykojnë deputetët”, tha Rama.
Gjithashtu, Kryeministri tha se nuk do të pranojë asnjë lloje shantazhi për të negociuar mandatin që i kanë dhënë qytetarët për të qeverisur deri në 2021.
“Ky kapitull do të mbyllet mirë. Vjen në opozitë, rri në opozitë, s’ka xinxri-finxri, se dua zgjedhjet të parakohshme.
S’mund të behën me metoda kërcënimi, shantazhimi, apo bllokimi. Ata po e dëmtojnë ekonominë edhe integrimin, por PS ka mision historik të mbyllë këtë kapitull të gjatë të vij negociatarori, të ulemi, jo të marrim dy ambasadore, s’ka më të tilla gjera.
Ne nuk kemi mandat për të negociuar. Mandatin që kemi fituar deri në 2021 dhe këtë mandat se kërcënon kurrë shantazhi”, tha Rama.
