Ish-deputeti Gent Strazimiri përmes një reagimi në rrjetet sociale shkruan se biznesin e dëmton pasiguria juridike, si dhe larja e parave të krimit përmes bankave të regjistruara në “eter”.
Strazimiri shkruan se shkalla më e lartë e “pasigurisë politike” është një vend në luftë apo nën kërcënim invazioni në çdo moment!
Sipas tij, këtij përkufizimi i përgjigjet më së miri Izraeli, i cili ka që në 1948 që është në alarm të pandërprerë për ekzistencë, në kuptimin e mirëfilltë të fjalës, por për asnjë moment nuk i janë ndalur investimet e biznesi, përkundrazi, rriten e rriten aq sa e kanë bërë një nga ekonomitë më solide në botë!
Postimi i Gent Strazimirit
Shkalla më e lartë e “pasigurisë politike” është një vend në luftë apo nën kërcënim invazioni në çdo moment!
Këtij përkufizimi i përgjigjet më së miri Izraeli, i cili ka që në 1948 që është në alarm të pandërprerë për ekzistencë, në kuptimin e mirëfilltë të fjalës, por për asnjë moment nuk i janë ndalur investimet e biznesi, përkundrazi, rriten e rriten aq sa e kanë bërë një nga ekonomitë më solide në botë!
Pse?
Sepse ka SIGURI JURIDIKE, përmes së cilës luftë a paqe qoftë, askush nuk të prek atë që ta jep ligji, as qeveria e pushteti!!!
Ka SIGURI JURIDIKE, aq sa edhe në luftë voton e prodhon rotacion politik duke numëruar edhe votën e ushtarit në front, e askush nuk ka arsye të kontestojë rezultatin edhe pse votat numërohen nën bomba…
Biznesin e dëmton pasiguria juridike, larja e parave të ndyra të krimit përmes bankave të regjistruara në “eter”, të cilat duke u futur “nga dritarja” në ekonomi, falimentojnë biznesin e ndershëm, atë që kërkon kredi nga halli dhe jeton me pulsin e tregut!
Ky deformim nuk mund të ndodhë pa hyqmin e politikës, e cila nëse mbi këtë mekanizëm anti-ekonomi ndërton “sigurinë” e saj, vret një komb të tërë madje edhe brezat që ende s’kanë lindur!
Nëse ka vdekur SIGURIA JURIDIKE, “pasiguria politike” është një lajm i mirë dhe shpresëdhënës, veçanërisht për biznesin!
