Kryetarja e LSI-së, Monika Kryemadhi, ka premtuar dyfishimin e buxhetit për arsimin. Gjatë takimit me gjimnazistë në Tiranë, Kryemadhi theksoi se dështimi më i madh i kësaj qeverie është lënia e rinisë pas dore.
Sipas saj, largimi i tyre nga vendi, vrasja e shpresës dhe ëndrrave të tyre është plaga më e madhe që politika e mbrapshtë i ka shkaktuar Shqipërisë.
Postimi i Monika Kryemadhit
Sot u takova me një grup gjimnazistësh nga shkollat ‘Qemal Stafa’ dhe ‘Sinan Tafaj’. E jashtëzakonshme energjia e tyre pozitive dhe dëshira për ta parë Shqipërinë si shtëpinë tonë të përbashkët.
Dështimi më i madh i kësaj qeverie është lënia e rinisë pas dore. Largimi i tyre nga vendi, vrasja e shpresës dhe ëndrrave të tyre është plaga më e madhe që politika e mbrapshtë i ka shkaktuar Shqipërisë.
Rinia është themeli i programit të LSI. Ne nuk do t’i zhgënjejmë të rinjtë.
LSI do të dyfishojë buxhetin për arsimin.
Një rini e mirë arsimuar dhe punësimi i saj është garancia e vetme për një Shqipëri që nuk plaket! Ne duhet ta bëjmë Shqipërinë shtëpi për rininë tonë.
