Kreu demokrat Lulzim Basha do të jetë sot në Shkodër, ku pritet të ketë një bashkëbisedim të hapur me qytetarët.
“Të dashur të rinj e të reja shkodrane!
Kryetari i PD-së, Lulzim Basha, do të ketë një bashkëbisedim të hapur mbi situatën aktuale dhe rinisë së qytetit”, thuhet në një njoftim që është shpërndarë në Shkodër.
Takimi mësohet se do të mbahet në orën 18:00.
Vizita e Bashës në Shkodër ndodh vetëm dy ditë pasi qyteti më i madh në Veri-Lindje të vendit u trondit nga ekzekutimi i dy vëllezërve, ngjarje që u pasua më largimin e kreut të policisë lokale dhe komandimin e Niko Brahimajt.
Pritet që kreu demokrat të vërë theksin në shkaqet që kanë çuar në një shtim të kriminalitetit, veçanërisht në Shkodër, ku vetëm në 8 muajt e fundit janë vrarë në rrethana të ndryshme 11 persona, ndërsa policia dhe prokuroria nuk kanë mundur të zbardhin asnjë ngjarje kriminale.
Dy ditë më parë në Shkodër ishte edhe ministri i Brendshëm dhe drejtues të Policisë së Shtetit.
