Olimpia Smajlaj është një ndër vajzat më simpatike të ekranit shqiptare, e cila prej dy sezoneve po bashkëpunon me moderatorin Ermal Mamaqi si këngëtare në emisionin “Xing me Ermalin”.
Këngëtarja është shumë aktive në rrjetet sociale, dhe në këtë mënyrë stilin e saj ekstravagant ajo shpesh e ndan me fansat përmes fotove të publikuara në llogarinë e saj në Instagram, ku përgjithësisht merr komente pozitive.
Mirëpo ndodh edhe ndryshe, një personazh publik nuk ka vetëm fansa por edhe ‘anti-fansa’, çka do të thotë se jo gjithmonë mund të presë komplimente pozitive prej tyre.
E nëse Olimpjas nuk i kishte ndodhur, ka gjithmonë një herë të parë që do të komentohesh negativisht nga ndjekësit e tu, megjithatë këngëtarja ka ditur ta menaxhojë mirë situatën pa iu dridhur qerpiku.
Së fundmi në Instagram, ka postuar disa foto ku shfaqet e veshur me një fustan të zi. Njëra nga ndjekësit e akuzon Olimpian për operacione plastike duke u shprehur : “Ça viktime e bame me silikon”
“Viktimë e trurit tënd i bie t’jesh ti, por po e marr si kompliment që jam e mirë aq sa mos me tu besu se Nuk ka silikon. Shndet”, ia kthen Olimpia.
