Nga Boldnews.al
Disa rreshta ushtarakësh të fokusuar shumë çrregullt që lëviznin gjatë gjithë kohës nga kuadratet, të tjerë me duar në xhepa dhe akoma më groteske me sytë nga qielli duke parë fluturimin e avionëve të NATO-s, ishin shfaqja që Rama nuk do të donte të përsëritej, por këtë do e “pësojë” ministrja Xhaçka, apo piaristi i tij Fuga për çështje imazhi.
Kryeministri në një fjalim të gjatë, plot pompozitet theksoi “meritat” e vendit tonë në 10-vjetorin e pranimit në NATO. Duke mos pasur asnjë eveniment për tu shënuar në arenën ndërkombëtare, e veçanërisht në integrimin e vendit, Rama po pret vitet dhe datat që janë shënjuar nga qeveritë paraardhëse, që në këtë rast lidhen me periudhën e kryeministrit Sali Berisha.
Rama u përqëndrua më shumë në atë që e qaun “arritje të tij” e cila lidhet kryesisht me ndërtimin e një bazë ajrore të NATO-s në Kuçovë. Por më shumë se lobim kryeministror, ishte një vendim i dalë nga zyrat qëndrore të NATO-s, e cila në aspektin gjeostrategjik kërkonte një bazë të rëndësishme në zonën e Ballkanit. Këtë e ofronte Shqipëria për shkak të pozitës së saj gjeografike.
Por ky kryeministër në fjalën e tij nuk përmendi se kemi ushtrinë më të keqpaguar ndër vendet e NATO-s. Sot, një ushtarak me grada të mesme, paguhet deri në 45 mijë lekë të reja në muaj, pa përmendur ushtarët profesionistë, të cilët marrin një pagë qesharake prej 32 mijë lekësh në muaj.
Në gjashtë vite qeverisje, kryeministri nuk ka hedhur asnjë firmë mbi një dokument ndërkombëtar për integrimin e Shqipërisë. Dështimin e tij, mundohet ta mbuloje me sukseset e së shkuërës, ndaj nuk i ka mbetur gjë tjetër përveçse në kalendarin e “zi” të mosarritjeve, të shënjojë vetëm datat që janë përvjetorë.
Me këtë ritëm, Ramës nuk i mbetet gjë tjetër përveçse të presë edhe pak muaj për të festuar 9-vjetorin e liberalizimit të vizave të Shqipërisë me vendet e zonës Shengen. Por haku nuk i duhet ngrënë…
Për shkak të liberalizimit të vizave, lëvizjes së lirë të qytetarëve, Rama ndoqi politikën shpopulluese dhe në gjashtë vite qeverisje kanë ikur nga Shqipëria 500 mijë qytetarë. Shumica kanë kërkuar zil politik dhe dergjen në vendet e europës nëpër kampe, bashkë me emigrantët e luftës. Ky është “suksesi” për tu përmendur për Ramën.
