Përveç rëndësisë që kishte në garën për titull kampion, takimi mes Kukësit dhe Partizanit prodhoi polemika edhe për çmimin e biletës, ku minimalja në “Loro Boriçi” e vendosur nga presidenti i verilindorëve, Safet Gjici, ishte 1000 lekë të reja.
Gjithsesi, kjo nuk i ka ndaluar “demat”, që ishin rreth 400 në stadium, dhe madje nuk e kanë lënë pa e ironizuar presidentin Gjici. Ata kishin printuar disa prerje të kartëmonedhës 1000 lekëshe, ku në vend të portretit të Pjetër Bogdanit, ishte vendosur portreti i Safet Gjicit.
