Të tjera detaje janë zbuluar nga vrasja e 26-vjeçarit, Jurgen Kurti, i njohur si menaxheri i VIP-ave.
Gjatë kohës që ishin në përgjim mes njëri-tjetrit, të rinjtë, 3 prej të cilëve të arrestuar dhe një i katërt i shpallur në kërkim, kanë folur për një shumë parash që do të merrnin për “punën” e kryer.
“Ke folur për ato lekët?”, “Kur do i marrim ato lekët?” Janë këto disa prej bisedave të përgjuara mes tyre, raporton Balkanweb.
Raportohet se makina me të cilën kanë lëvizur atentatorët ka qenë tip “Benz” ngjyrë gri dhe është në pronësi të personit të shpallur në kërkim. Ajo rezulton me dokumentacion të rregullt e regjistruar në Fier.
Arma, makina dhe sendet e tjera të sekuestruara nga policia janë gjetur ne banesën e Alesio Berberit. Të 3 të arrestuarit kanë mbajtur qëndrim mohues para policisë dhe nuk kanë pranuar përfshirjen në këtë ngjarje.
Vrasja e Jurgen Kurtit, detajet e reja/ Ja si funksionoi grupi nga gjurmimi deri te ekzekutimi…
