Kreu demokrat Lulzim Basha ka mbërritur në Prokurorinë e Tiranës, lidhur me dosjen e lobimeve në SHBA.
Basha është thirrur me cilësinë e personit që ka dijeni për ngjarjen.
Partia Demokratike ka sqaruar se Prokuroria ka hequr dorë nga fletë-thirrjet, ndërsa Basha është paraqitur për t’u njohur me fletë porositë që kanë mëbrritur në organin e akuzës që në muajin gusht.
“Lulzim Basha shkoi sot në prokurori, pasi prokuroria hoqi dorë nga kërkesa e paligjshme për thirrjen për njohje me aktet.
Bëhej fjalë për njohjen me letërporositë që kanë shkuar që në gusht në prokurori dhe i bëjnë publike tani, sipas axhendes politike të Ramës.
Pasi ne i thamë të enjten se kërkesa është e paligjshme dhe i shërben qeverisë, erdhi një shkresë tjetër, e formuluar brenda kërkesave ligjore, që kërkon dëshmi në cilësinë e personave që kanë dijeni për ngjarjen. Njësoj si disa muaj më parë, kur ka dhënë një dëshmi të ngjashme, Basha u paraqit në prokurori”, thuhet në një sqarim të PD-së.
