Harroni shpesh data të rëndësishme, siç janë ato të ditëlindjeve të miqve, apo edhe ndonjë fjalë të rëndësishme përgjatë artikulimit? Kjo mund të jetë një shenjë pozitive për ju.
Sipas studimeve të fundit, harresa është një shenjë e inteligjencës së lartë, transmeton lajmi.net.
Truri i disa njerëzve është më i aftë për të mbajtur në mend, gjersa të tjerët janë të aftë në veprimtari të tjera, qoftë muzika, matematika apo të tjera. Këta njerëz kanë një kujtesë të fortë, pasi natyra ua ka ofruar atyre tru të efektshëm.
Por, si njerëz, jo çdoherë është e mundur të mësohet përmendësh çdo hollësi.
Studiuesit Paul Frankland dhe Blake Richards nga Universiteti i Torontos kanë zbuluar se kujtimet e vjetra në tru janë “të mbingarkuara” nga kujtimet e reja . Është edhe më e vështirë për ne që të kujtojmë përshtypjet e vjetra, ose t’i harrojmë ato plotësisht.
Sipas hulumtimit, vetëm për shkak se një person ka një kujtesë më të mirë, kjo nuk do të thotë patjetër se është shumë inteligjent.
Në fakt, studimi zbuloi se e kundërta duket të jetë e saktë. Ka njerëz që mësojnë përmendsh të gjitha detajet në kokë, e cila është e dobishme, por është edhe më e dobishme dhe më e shëndetshme të kujtohet një shkallë më e madhe e gjithçkaje dhe të harrohen detaje të vogla.
