Shqipëria kriminale e Edi Ramës/ “Niçja e Alizoti” u dekonspiruan nga Arta Marku

Nga Boldnews.al

Edi Rama shpalli “luftë frontale” politike, pasi, siç tha ai para punonjësve të detyruar të administratës që luanin rolin e “dekorit” të Kongresit të Partisë Socialiste, ““kam qëndruar i heshtur” para shpifjeve të portaleve.

Në fjalimi e tij, tipikisht të gjatë, ku shpalli ri-kandidimin e Erion Veliajt për Bashkinë e Tiranës, Krye-Rilindasi ironizoi sulmet e opozitës për lidhjet e qeverisë së tij me grupet kriminale.

Rama zgjodhi që të përmendi në fjalën e tij “Niçen e Shijakun” apo “Alizotin”, duke ia atashuar këto personazhe opozitës. Por, në fakt, këto emra i kanë dalë nga zyrat e Kryeprokurores së Përkohshme, Arta Marku.

“Niçja i Shijakut” është një personazh kyç i dosjes hetimore “339”, i cili, sipas përgjimeve të Prokurorisë, rezulton se është pjesë e “krahut të fortë” të kryebashkiakut të Durrësit, Vangjush Dako në mbledhjen e sigurimin e votave për Partinë Socialiste.

Dosja “339” doli nga zyrat e Prokurorisë, së drejtuar nga Arta Marku dhe nuk është një sajesë politike e opozitës. E, në atë dosje nuk është vetëm “Niçja i Shijakut”, por janë edhe Ndokët e Lezhës e të tjerë “kolegë” të tyre në Dibër, Kavajë, Lezhë, Bajrat e Shkodrës.

LEXO EDHE  Arrestohen shpërndarësit e drogës në Pogradec, njëri u hodh në liqen për t'i shpëtuar policisë (Video)

Edi Rama e di shumë mirë këtë fakt, por ai zgjodhi që të sulmojë opozitën, në tentativën e dështuar për të sfumuar një realitet të faktuar me prova hetimore.

Krye-rilindasi përmendi, në fjalën e tij, edhe dëshmitarin e rremë, Fredi Alizoti, njeriu që mori përsipër të burgoset, vetëm për të shpëtuar imazhin e ministrit të Brendshëm, Fatmir Xhafaj dhe prangosjen e vëllait të këtij të fundit, Agron (Geron) Xhafaj.

Rama zgjodhi të përmendi Alizotin, në të njëjtën tentativë të dështuar, për të sfumuar përgjimet e Prokurorisë së Arta Markut, të publikuara gjatë orëve të fundit.

Në përgjimet proceduriale, një pjesë të publikuara ekskluzivisht nga “Boldnews.al”, dalin qartë se si zyrtarët më të lartë policorë mbajnë “me të mira” dëshmitarin e rremë, me qëllimin që ky i fundit të luajë deri në fund rolin që i është ngarkuar-të shpëtojë Agron (Geron) Xhafaj nga akuzat për trafik narkotikësh, e njëkohësisht të shpëtojë vëllain e të akuzuarit, ish-ministrën e Brendshëm, Fatmirin e, më tej akoma, pushtetin e Edi Ramës.


PËRGJIGJU

Please enter your comment!
Please enter your name here