Ish-Kryeministri Sali Berisha përmes një postimi në rrjetet sociale ka komentuar Kongresin e PS-së, që po zhvillon punimet sot.
Berisha shkruan se java me 5 të vrarë, u mbyll me Kongresin e suksesit të partisë së pushtetit të krimit.
Postimin e tij, Berisha e shoqëron me një kolazh fotosh, të personave që rezultojnë të dënuar dhe që kanë lidhje me PS-në.
“Lajme nga Kongresi i suksesit të krimit!
Kongresin e hapi Taulant Bego/Yaris/Gjura/Hoxha/Jaupi etj etj…
Kongresi mori mesazhe urimi nga:
Aldo Bare.
Dritan Dajti
Kostandin Xhuvani
Mili i Partise!
Eskobari i Ballkanit
Shume e shume te tjere!
Mesazhet e tyre mbylleshin me dy lavdi:
-Lavdi Partise tonë të Krimit!
-Lavdi kreut të meduzes së Krimit!”, shkruan Berisha.
Ndërkohë në një tjetër postim, Berisha shkruan:
“5 të vrarë në 7 ditë në Shqipëri!
3 në gjithë Europën pa Shqipërinë!
Ngushëllime të ndjera për familjet e tyre.
Miq, Shqipëria sot mund te krahasohet vetëm me Afganistanin ose Libinë. Ajo mbylli javën me pothuaj dyfishin e të vrarëve te të gjithë Europës.
Në dy raste vrasësit u dorëzuan vet, ndërsa në tre rastet e tjera ata u larguan në drejtim të paditur se kishin punë, ishin delegatë në kongresin e suksesit të partisë të sojit të tyre.
Kurse narkopolicia mori nga reanimacioni madje me serum për në komisariat protestuesin armik.
Java me 5 të vrarë u mbyll me Kongresin e suksesit të partisë së pushtetit të krimit. Suksese!”, shkruan Berisha.
