Përgjimet ekskluzive/ Alizoti, drejtorit të Policisë: Më telefono pasi të bëj shurrën

Nga Boldnews.al

Loading...

Përgjimet proceduriale të dosja “Babale” dëshmojnë se si i gjithë shteti është vendosur në funksion të Fredi Alizotit, dëshmitarit të drejtësisë që deklaroi se ka luajtur rolin e Agron (Geron) Xhafaj, vëllait të Ministrit të Brendshëm, Fatmir Xhafaj, i dyshuar si i përfshirë në trafik narkotikësh.

“Boldnews.al” ka siguruar në mënyrë ekskluzive disa përgjime telefonike, në të cilat Drejtori i Policisë së Fierit, Albert Nushi dhe zëvendësi i tij, Andon Marko (aktualisht Drejtor i komanduar i Policisë Fier) e trajtojnë me “respekt të veçantë” njeriun që do të shpëtonte vëllain e ministrit nga telashet.

Në materialin audio-video më poshtë, publikohen përgjimet të 4 episodeve, të zhvilluara në datën 29 Gusht 2018, ku drejtori Nushi e “dëshmitari” Alizoti flasin me njëri-tjetrin.

Komunikimi mes tyre ka nisur mëngjesin e asaj dite, e konkretisht në orën 8.46. Drejtori Nushi telefonon Fred Alizotin. Ky i fundit përgjigjet në telefon, duke i thënë drejtorit që “më merr pas një minute, se jam duke bërë shurrën”. Drejtori Nushi bindet.

Një minutë më vonë, në 8.47, Fredi Alizoti, pasi mbaron nevojat fiziologjike, i kthen telefonatën drejtorit të Policisë së Fierit.

Në këtë bisedë të dytë, drejtori Nushi interesohet se kur e ka “axhendën” e lirë Alizoti, pasi dëshiron ta takojë. Gjatë kësaj bisede, Fredi Alizoti i thotë që është i gatshëm të takojë drejtorin rreth orës 12-13, në Tiranë. Zyrtari i lartë i Policisë i garanton se do të mbërrijë nga Fieri në Tiranë, në orarin që caktoi Fred Alizoti.

LEXO EDHE  Mblidhet Këshilli Kombëtar i PD-së, çfarë pritet të ndodhë

Në orën 11.59 të po asaj dite, saktësisht në orën që kishin paracaktuar me Alizotin, drejtori Nushi telefonon Alizotin. Zyrtari i lartë i policisë, duke i shprehur se nuk mund të mbërrinte në Tiranë, i thotë Alizotit se do ta marrë në telefon zëvendësi i tij, Andon Marko.

Një minutë më pas, në orën 12.00 të datës 29 Gusht, zëvendësdrejtori i Policisë së Qarkut Fier telefonon Fred Alizotin, në të cilën shpreh dëshirën që t’i japë një birrë “dëshmitarit”.

Në këtë bisedë, del qartë se zv.drejtori Marko e ka shoqëruar edhe herë tjetër “dëshmitarin” Alizoti për në Tiranë, pasi flasim me njëri-tjetrin për vendin e takimit.

Përgjimet që shoqërojnë këtë shkrim janë vetëm një pjesë e vogël e materialeve audio, të regjistruar me urdhër të Prokurorisë për Krime të Rënda. Në këtë pjesë, por edhe në të tjera përgjime, duket qartë se si është trajtuar nga vartësit e Fatmir Xhafajt, “dëshmitari” Fredi Alizoti, i cili mori përsipër që të deklaronte para prokurorëve se ka luajtur ai rolin e Agron (Geron) Xhafaj në audio-regjistrimin me Albert Veliun (Babale).

 

Loading...
Loading...

PËRGJIGJU

Please enter your comment!
Please enter your name here