Avokati Ravik Gurra që mbeti i vrarë mbrëmjen e sotme në qytetin e Elbasanit, ka qenë avokat i disa pjesëtarëve të fisit Çapja, që janë përballur me drejtësinë.
Gjithashtu viktima ishte edhe avokat i Emiljano Shullazit, por ka qenë avokat i Altin Arapit, i akuzuar si pjesëtar i Hakmarrjes për Drejtësi.
Viktima, 50 vjeç është qëlluar me armë zjarri, në një lokal përballë me Teatrin “Scampa”. Dyshimet janë se avokati është qëlluar nga një person i cili ka qenë i maskuar. Nga të dhënat e para mësohet se avokati është qëlluar nga pas shpine.
Sakaq, forca të shumta policie kanë mbërritur në vendin e ngjarjes. Policia ka ngritur postoblloqe në pikat hyrëse dhe dalëse të qytetit.
