Deputeti që pritet të bëjë sot betimin në Kuvend, Rlaf Gjoni ka bërë një prononcim të shkurtër për mediat përpara hyrjes së Parlamentit.
Ai deklaroi për mediat se nuk ka ndër mend të bëhet pjesë e asnjë lloj destabilizimi politik dhe se ka ardhur në Kuvend për të bërë detyrën e tij, por nga ana tjetër ai është i bindur se sulmi ndaj tij është bërë qëllimisht.
‘Një djalë po priste tek kafja pranë shtëpisë time. Cohet në këmbë dhe më sulmon me bojë, nuk e prisja këtë reagim. Ai apo ajo që ka porositur këtë sjellje rrugësh duhet ta dinë që unë nuk frikësohem nga asnjë lloj destabilizimi. Ju mund ta merrni me mend më mirë se unë kam ardhur të betohem dhe jo për të bërë lajm. Nuk më frikësojnë aspak ata që duan të destabilizojnë vendin. Nuk kam ardhur për të marrë një rrogë të qelbur shteti as ti bëj fresk qeverisë. Jam shtetas i huaj dhe shqiptar dhe jam krenar për ç’ka kemi arritur deri më tani. Do të flasim më vonë me mediat,’ u shpreh Gjoni.
