Si do vijojë protesta e sotme e thirrur nga opozita? Ish-deputeti i Partisë Demokratike Klevis Balliu është shprehur për gazetarët nga protesta se këtë e vendosin qytetarët.
“Ka ardhur koha të vendosin qytetarët. Është bërë 28 vite që vendosin qeveritarët e korruptuar. Është në të drejtën e tyre legjitime të hyjnë aty brenda dhe ti marrin zvarrë ata që i kanë vjedhur paratë. Ky është një popull i vjedhur”, tha Klevis Balliu.
E pranishme në protestë është edhe Albana Vokshi. E pytur lidhur me “dhunën gjatë protestës”, ajo u shpreh se protestat e opozitës nuk kanë dhe nuk kanë pasur kurrë dhunë. “Nuk ka dhunë asnjëherë s’ka pasur dhunë. Dhuna është ushtruar me urdhër të Edi Ramës nga policia,” u shpreh ish-deputetja Albana Vokshi. /BN/
