U vra në atentat, Polia vëllai i ish-banorit të Big Brother

Ferdinand Polia i cili u ekzekutua pasditen e sotme me 20 plumba teksa lëvizte bashkë me një tjetër person, i identifikuar si Xhovan Mirashi, me automjetin e tij është vëllai i një personazhi publik.  Bëhet fjalë për Pavlin Polian, ish-banorin e Big Brotherit, i cili u bë pjesë e shtëpisë së famshme në vitin 2009.

Biznesmeni shkodran i njohur ndryshe edhe si “Nardi i bujtinave” pasi kishte në pronësi një bujtinë në Theth u ekzekutua pasdditen e sotme me 20 plumba. Autorët kanë përdorur një armë të tipit automatik të shkurtër me silencioz.

LEXO EDHE  "Nuk ka kohë për.."/ Reagimi i Soreca-s pas takimit të Luksemburgut: Palët të ulen në negociata

35-vjeçari nuk ka qenë më parë i skeduar nga Policia e Shtetit, dhe se njihet si një person social, i dashur dhe jo problematik. Disa muaj më parë, kur dëbora bllokoi Thethin, Polia ishte një nga banorët e Thethit që kërkonte publikisht investime për zonën.

Ai apelonte që të ndërhynte shteti për të larguar dëborën, ndërsa sot është vrarë në rrethana mafioze në mes të fshatit Grudë në Shkodër.