Kreu demokrat Lulzim Basha ka marrë pjesë në Asamblenë Politike të Partisë Popullore Europiane, që po zhvillon punimet në Bruksel.
Përveç takimit me kryetaren e CDU-së, Annegret Kramp-Karrenbauer, e cila zëvendësoi në këtë funksion kancelaren Angela Merkel, Basha pati takime me personalitete të tjera të rëndësishme të grupimit më të madh politik në Europë.
Lideri i opozitës pati takime miqësore dhe të frytshme me Presidentin e PPE, Joseph Daul, me Manfred Weber, kandidat i PPE për Presidencën e Komisionit Europian, me David McAllister, Kryetar i Komisionit të Jashtëm të Parlamentit Europian dhe personalitete të tjera europiane që bëjnë pjesë në të njëjtën familje politike europiane.
