Policia përgatitet për dhunë kundër banorëve të Unazës së Re. paralajmërimi është bërë nga dy ish-deputetët, Klevis Balliu dhe Endrit Braimllari.
Balliu, i cili ka mbështetur prej javësh protestën e banorëve që kundërshtojnë një projekt që shemb banesat e tyre, shkruan në rrjet se policia përgatitet për dhunë kundër banorëve të Unazës së Re.
Ndërkohë, ish-deputeti i LSI-së Endrit Braimllari, u shpreh se kryeministri Edi Rama së bashku me policinë ‘partiake’ po përpiqen të shtypin protestën, por nuk do ia dalin dot.
“Policia politike e Edi Ramës kërkon të shtypi natën banorët e Unazës së Re. Policia të bëjë kujdes, të mos bëhet vegël politike e Edi Ramës. Edi Rama në grahmat e fundit të pushtetit të tij kriminal. Edi Rama po përplas shqiptarët me njëri-tjetrin. Policia të distancohet nga urdhërat politik. Edi Rama nuk mund të fshihet pas gazit helmues. Nuk ka gaz që do shpëtoj Edi Ramën”, tha Braimllari.
