Banorët e Unazës së Re protestuan sot mbi 4 orë në mbrojtje të banesave të tyre. Ndërkohë që një prani e shtuar e forcave të policisë, përfshi këtu Repartet Shqiponja dhe FNSH, duket se ka tensionuar situatën.
Sipas banorëve, policia ka qëndruar me prani të shtuar për orë të tëra duke ushtruar presion, ndërsa më pas janë fshehur mes ndërtesave në zonë, për shkak të pranisë së mediave dhe ish-deputetëve të opozitës.
Në vendin ku prej 136 ditës banorët protestojnë ka shkuar në orët e mbrëmjes edhe kreu demokrat Lulzim Basha.
Video e mëposhtme, e realizuar nga banorët, tregon praninë e forcave të rendit, ndërsa kreu demokrat zbardhi atë që e quajti urdhër politik për të arrestuar banorët që protestojnë. Basha i bëri thirrje policisë që të mos kthehet në një strukturë politike në shërbim të një qeverie që ka ardhur në pushtet nga bandat dhe po i shërben bandave.
