Nënkryetari i PD-së, Edi Paloka, ka paralajmëruar surpriza për Edi Ramën, ndërsa thekson se nuk ka kthim pas në aksionin opozitar.
Paloka thekson se me këtë mazhorancë nuk ka rrugë tjetër komunikimi përvecc protestave, ndërsa shton se të enjten do të protestohet para Kuvendit, sikundër do të ndodhë në ccdo ditë që Parlamenti do të mblidhet në seancë plenare.
“Do ketë protestë të enjten. Në 9:30 kemi njoftuar protestë dhe do të ketë çdo të enjte. Do të ketë në çdo rast. Jo të gjitha do ia tregojmë Ramës.
Do ia bëjmë surprizë ca gjëra, por absolutisht është ajo që kemi thënë, nuk ka më kthim mbrapa dhe përveç protestave nuk ka mënyrë tjetër komunikimi me këtë mazhorancë”, thekson Paloka në një intervistë për ABCneës.
Sipas Palokës, asnjë deklaratë, qoftë e ndërkombëtarëve apo misioneve të tyre në Tiranë, nuk zvogëlon legjitimitetin e kauzës së opozitës për mbrojtjen e votës së lirë.
Lidhur me zgjedhjet lokale, nënkryetari demokrat shprehet se nga opozita nuk ka një vendim politik, por thekson se me Edi Ramën nuk do të ketë zgjedhje.
“Ndërkombëtarëve iu kërkohet vetëm një gjë, të ndërhyjnë në dialog, por vetëm pasi kryeministri Rama të jetë larguar”, tha ai.
