Ambasadori suedez në Tiranë, Johan Ndisi, ka mbajtur një qëndrim krejt ndryshe nga kolegët e tij diplomatë të akredituar në vendin tonë, lidhur me situatën politike në vend.
E ndërsa shumë prej Ambasadorëve kanë shprehur rezerva apo kundërshti për djegien e mandateve nga deputetë të opozitës, diplomati suedez është treguar i matur, duke sugjeruar zgjidhjen e situatës përmes një marrëveshjeje politike që duhet të arrihet me dialog mes palëve.
Në një intervistë për Albanian Daily Neës, ai thekson se vendimi politik është i nevojshëm dhe shumë i rëndësishëm.
“Është e rëndësishme që të dyja palët të gjejnë një zgjidhje politike që mund të arrihet përmes dialogut midis qeverisë dhe opozitës.
Vendimi politik është i nevojshëm dhe është shumë i rëndësishëm, përndryshe ka rreziqe të mëdha për procesin e integrimit të Shqipërisë në BE.
Njerëzit shqiptarë mbështesin integrimin në BE, pra është e rëndësishme që aktorët politikë të fillojnë dialogun, të marrin anën e qytetarëve shqiptarë dhe të mos humbasin mundësinë”, thekson Ndisi.
