Më datë 17 mars Erion Veliaj kishte vendosur që të zhvendoste festimet e ditës së verës e cila është me datë 14, diçka e pa dëgjuar ndonjëherë.
Dy studentë kanë tentuar që ti hedhin bojë të zezë dhe ata janë Gëzim Almeta dhe Nikolin Çali.
Në një prononcim për Boldnews.al Almeta është shprehur: Kanë qenë 25-30 efektivë policie të cilët kanë ushtruar dhunë psikologjike dhe fizike për më shumë se 20 minuta.
Na kanë futur në bodrumin e bashkisë ku në komunizëm kryheshin tortura, duke na tërhequr zvarrë dhe kanë filluar të na godisnin si barbarë.
Na kanë marrë telefonat duke na fshirë videot si dhe gjëra personale që ne kishim. Na thanë që pasi të shkojmë në komisarjat do ishim të vdekur.
Aty kanë qenë punonjës bashkiak të RENEA-s dhe Gardës.
‘Në komisariat na kanë shoqëruar efektivë të Shqiponjës duke na prangosur në mënyrë barbare. Na thanë: Nuk u bëre ti që të rrëzosh qeverinë dhe pushtetin tonë që mezi e kemi marrë. Unë i thashë që qeveria nuk është e jotja por e gjithë e shqiptarëve’.
‘Më thanë tirans plehër. Më pas filluan të më godisnin me grushta pas shpine. Kemi qëndruar përreth 7 orë. Jam marrë në pyetje 4 orë dhe nuk më ofruan ndihmë edhe pse isha i gjakosur’.
Më pas kam shkuar për të bërë denoncim dhe askush nuk e mori përsipër madje filluan edhe të talleshin ‘të vijë shteti’, tha Almeta për Boldnews.al.
Almeta më parë është sulmuar publikisht edhe nga Taulant Balla duke e quajtur si barbar që nuk e zë as gazi.
Gëzimi njihet që tek protesta e studentëve si një ndër më stoikët e protestës dhe ka gëzuar rrespekt nga të gjithë.
