Mbërmjen e sotme emisioni investigativ “Ajsberg” në televizionin Fax News ka trajtuar temën e pronave.
Gazetari i emisionit “Ajsberg” ishte në Korçë për të parë nga afër situatën e pronave tëbanorëve të cilët janë në konflikt me kompaninë që pritej të ndërtonte TEC-in në tokat e banorëve të Korçës.
Sipas banorëve kompania u ka marrë tokat duke ia vlerësuar me çmimin (2500) lekë të vjetra për metër katror, duke e cilësuar tokën si kategori të pestë.
Banori u shpreh se është plan mafioz: “Ky është një plan mafioz, kërkuam takim me kryetarin e Bashkisë edhe nuk na takoi.
Ne firmosëm nga frika sepse na thanë që nëse nuk hidhni firmën do ua marrrim me 100 lekë të vjetra. Na gënjyen na thoshin tokën do ua marrim me një mijë lekë metri katror, na mashtruan. Duam të na kthehet toka përsëri. Na e vlerësuan metrin katrorë të tokës sa një paketë cigare.
Do shkojmë të ankohemi, tani nuk kemi tokë farë, na e morën edhe atë tokë që kishim”.
Një metër tokë në Korçë vlen me një mijë lekë metri katrori pasi qeveria e ka vlerësuar për kategori të pestë.
Ndërkohë për të qartësuar më tepër banorët ka folur edhe agronomi i cili ka theksuar se toka i përket kategorisë së pestë.
“Kjo është një nga tokat më pjellore të këtij fshati, këtu janë marrë rendimente më të larta të prodhimit, familjarët kanë siguruar të ardhurat. Kjo tokë sipas përbërjes organike që ka i përket klategorisë së parë”– u shpreh agronomi.
Ndërkohë ambientalisti i njohur Sazan Guri është shprehur se toka është pjellore me përbërje minerale dhe nuk mund të ndërtohen veprat urbane siç është TEC-i.
“Toka është me përbërje minarale, nuk duhet që të ndërhyjë kush, tokat janë i një cilësie të mirë nuk mund të ngrihen mbi to vepra urbane sië është TEC-it me gaz”-u shpreh Sazan Guri./faxweb.al
https://www.facebook.com/faxweb.al/videos/332533220727194/?hc_ref=ARQfyFBFPa7gNCmcsk1p320svOmrPwV10lN-AACqiYtUD3yHlkB-bDXxtvm_hXzpKKI&__xts__%5B0%5D=68.ARBUKkA-VD8i23TQAd83mhOWrF3dz4Ah7Mb_UZVnV-Vhr1TrH2PvjAFXKPF9Woch7DttUSGxiaqxCvsOe2_BP71IjMNzZ451SjQ0mycen-zJsbJ7hGJQuq77q3TFlTVGZykH9S5tnJEFM3igvBmgwHlH4DegvLPFwE8NR-xKlBdyEbO5ixz41h_zHwGgM5czy529bGwfr1i7eBax0msQAXB4U7R_nb8_AFS4WE0MHSMOPKaShQItRTqVy39PVf60nXDZKIHzMaG7Byrq9ZnvNJ41rdezbNyETfvUxMb2vejpNXzzpC5wWt5t9N1xboxmIACjV470ElVkUjDhW1OIuc6pmNHFtDRlEwsqgMQmU8oGy66fJtFwyJ435zc&__tn__=FC-R
