Ish-drejtuesi i lartë i policisë, Mit’hat Havari, ironikisht ka krahasuar rastin e Senatorit australian Frase Anning me atë të Edi Ramës. Të dy janë goditur me vezë, por reagimi ka qenë i ndryshëm.
Madje Rama është lyer edhe më bojë dhe e ka kaluar vetëm më sharje dhe kërcënime, ndërsa senatori Australian e goditi vetë agresorin 17–vjeçar.
Në një status në rrjetet sociale, Havari shkruan:
Edi Rama konkuron denjësisht deputetin Australian
Një 17- vjeçar me ngjyrë goditi sot me vezë në rrëzë të veshit një deputet në Melburn.
Deputeti shtatlartë u trondit, ndoshta me të drejtë, nuk ruajti qetësinë por iu përvesh me shuplaka të forta 17 vjeçarit derisa forcat e sigurisë e mbërthyen djaloshin .
Mediat ndërkombëtare e akuzuan deputetin antiemigrant se duhej të ruante qetësinë.
Nëse do i ndodhte këtij deputeti të goditej me vezë sikundër Ramës, mesiguri ai do kapërcente tavolinat e do i fuste duart në fyt dhunuesit .
Në këtë rast Rama ka treguar qetësi olimpike. Ndaj deputeti i Melburnit bën mirë ti hypi avionit e të marrë ca leksione nga Rama, sesi mund të përballojë me qetësi sulmet e kundërshtarëve me vezë apo me bojë!
