Jurgen Kurti u qëllua për vdekje pranë banesës së tij në zonën e stadiumit “Selman Stërmasi” në Tiranë.
Ai u qëllua nga një automjet, ndërsa ishte duke ecur në këmbë. Mendohet se arma e krimit ishte një pistoletë, ndërsa policia ka nisur hetimet.
Ende nuk ka një pistë të përcaktuar mbi krimin që tronditi Tiranën, ndërsa Kurti njihej si menazher i VIP-ave, por emri i tij rezulton i përfshirë në dy ngjarje kriminale.
Ndërkohë që pak minuta pas krimit në vendin e ngjarjes kanë shkuar familjarë të viktimës. Nga fotot e publikuara duket se ato nuk lejohen nga policia, e cila ka rrethuar vendin e krimit.
“Më lini të kaloj…Jo, o Zot të lutem ai është shpirt, ai është jetë. Nuk kam më shpirt”, ishin klithmat e familjarëve të Kurtit.
