Kryeministri Edi Rama ka mbajtur një takim pak minuta më parë së bashku me studentët e Universitetit të Buqësor të Kamzës. Në këtë takim Rama e ka cilësuar UBT-në si një qendër ekselence, e cila e ka treguar se i ka kapacitetet e duhura për të ecur para.
Në fjalën e tij, ndër të tjera Rama është shprehur se qeveria është angazhuar për rishikimin e standarteve të konvikteve të këtij universiteti, dhe se një gjë e tillë është verifikuar edhe me rektorin e UBT-së.
Rama po ashtu ka folur edhe për një projekt të cilin ka qeveria në lidhje me Universitetin Bujqësor, për të shndërruar atë si një qendër të ardhurash më vete, përmes krijimit të ferme didaktike për shkak dhe të kapaciteteve që ka ky universitet.
Si dhe po ashtu ai ka folur edhe për synimin në përfshirjen e UBT-së në listën e atraksioneve turistike për Tiranës: “Buqsori synojmë të përfshihet në listën e atraksioneve për Tiranën për vizitorët… familiar, prindër, gjyshër, student dhe të huaj… Kjo nuk është një ëndërr me sy mbyllur. Është një ëndërr me sy hapur, ëndërr nga ato të cilat realizohen….. Ky investim do ta kthej universitetin në një makineri didaktike fitimprurese.”
