Kryetari i Partisë Demokratike Lulzim Basha zhvilloi një takim me të rinj dhe studentë si dhe pedagogë të Universitetit Durrësit.
Gjatë fjalës së tij, Basha u ndal te shqetësimi për shitblerjen e votave. “Vangjush Dko i ka vënë Kazmën votës së durrsakëve”, tha Basha.
Kryedemokrati u shpreh se deputetët e të ashtuquajturës opozita e re janë blerë si të ishin bagëti nga kryeministri Edi Rama.
“Shikoni si e trajton parlamentin, si banjo publike, shikoni si i trajton deputetët, që shiten e blihen si në Pazar të Milotit. A ka shenjë më të qartë të degradimit të sistemit se sa shitblerja e të ashtuquajturve deputetë të opozitës së re si të ishin bagëti? Ky sitëm ka marrë fund dhe shqiptarët e treguar refuzimin e sistemit në 28 vite demokraci”, tha Basha.
Kreu i PD-së u bëri thirrje qytetarëve të bashkohen në protestën e nesërme në Tiranë, e thirrur nga opozita.
“Nuk ka për të pasur kthim pas deri në fitoren e qytetarëve, deri në kauzën e drejtë të demokracisë, deri në fitoren e rinisë dhe studentëve shqiptarë”, tha Basha, i cili shtoi se largimi i Ramës është vetëm hapi i parë i një beteje të vështirë.
Basha u shpreh se të gjithë lekët që janë grabitur me PPP do tu kthehen qytetarëve. /BN/