Ish-deputeti i PD, Edi Paloka ka deklaruar se protesta e ditës së nesërme do të jetë një nga më të mëdhatë e këtyre viteve në pluralizëm.
Sipas tij shqiptarët do të vijnë në Tiranë për të protestuar dhe jo për të ngrënë ballokumet e Lali Erit.
Ai tha se protestat do të vazhdojnë deri në zgjedhjet e parakohshme dhe krijimin e një qeverie tranzitore.
‘Qeveria transitore do të jetë pa Ramën. Sepse me Ramën në qeveri thellohet kriza. Nuk i hyj emrave të tjerë, por në qeveri nuk mund të jetë Rama. Ndoshta qeveria tranzitore nuk eliminon shitblerjen e votave, por e minimizon tërësisht këtë problem. Ne kemi thirrur shqiptarët në protestë, nuk ndosim dhunë, mbase dhunën e kërkon vetë Rama, pasi është në paranojë, por ne si kemi kërkuar shqiptarëve të ushtrojnë dhunë. Nesër shqiptarët dalin në protestë, jo për të provuar ballokumet e velinës. Protestat do të jenë të vazhdueshme, nuk ka rrugë tjetër, Rama nuk ka rrugë tjetër përveç zgjedhjeve të parakohshme. Kudo ku shkon Rama ka protesta, niset për Shkodër shkon në Durrës. Sa të jetë Rama nuk do të ketë stabilitet në Shqipëri, ketë duhet të kuptojnë edhe ndërkombëtarët’, deklaroi Paloka.
