‘Rama ik’ edhe nga artistët/ Tupja dhe Kapexhiu kanë një mesazh për Kryeministrin

Profesor Edmond Tupja, i pranishëm në tryezën e organizuar nga PD dhe Aleanca për Mbrojtjen e Teatrit,  tha se Edi Rama e urren teatrin.

“Qeveria aktuale me kryeministrin ka frikë nga teatri, të gjithë diktatorët kanë frikë nga teatri kur ai nuk u shërben interesave të tyre sepse në teatër spektatori bën katarsisin, zhvishet.

Dhe të zhvishesh do të thotë të shikosh veten lakuriq. Të zhvishesh lakuriq do të thotë të shikosh sa vlen dhe kur ti e kupton se nuk vlen urren vetveten dhe kërkon të shërohesh nga vetvetja. Kjo është për Zotin Rama”, tha Tupja.

Ndërsa artisti Bujar Kapexhiu tha se Edi Rama duhet të ikë dhe bashkë me të ikën edhe rreziku i shembjeve.

“Në mëndjen e çdo qytetari sot duhet të ekzistojë vetëm një slogan. Dhe unë do ta shpjegoj me krijimin tim të fundit që ka dalë në gazetë.

LEXO EDHE  Pak para votimit të qeverisë së re, Kryeministri Rama ndryshon kontratën me Pfizer

Ndodhia është në Elbasan, dy qytetarë një burrë e njëgrua që mbajnë tepsiotë me ballokume dhe mes të dyve është Edi Rama që i shikon i çuditur sepse mes ballokumeve ata të dy kanë nga një tabelë Rama ik.

Nëse të gjithë qytetarët që shesin ballokume në rrugën e gjatë të Elbasanit do të kishin Rama ik do të ishte shumë filmike. Duhet të ekzistojë. Nëse ikën, ikën dhe rreziku për gjithcka.

Nëse të gjithë brenda vetes tonë të shohim Rama ik! Ikën rreziku ikin të gjitha dhe nuk prishet asgjë vetëm ndërtohet”, tha Kapexhiu.



PËRGJIGJU

Please enter your comment!
Please enter your name here