Dorian Protoduari, një nga protestuesit më të spikatur të “Unazës së Re” në kryeqytet, i ka lëshuar një sfidë shefit të krimeve në komisariatin e zonës së Kombinatit, në kryeqytet.
Me altoparlantin e protestës, ai shpjegoi se i kishte ardhur një tjetër thirrje nga Prokuroria për tu paraqitur, megjithatë shtoi se ato ishin bërë të zakonshme.
https://www.facebook.com/partiademokratike/videos/405482853535002/
“I bëj dhe një thirrje shefit të krimeve të Kombinatit, këtij që ka vjedh vota në Dibër, që e ka emrin te ajo dosja 184, ky Oligert Torba. Mos u mundo me polica ti çosh me zor te prokuroria për të firmosur për të më bërë mua kallëzim. Nuk do t’ia dalësh dot Oliget Torba! Dori ja ku është, nëse ke b*thë hajde ballë për ballë me mua. Mos ço policat andej. Se kaq pushtet ke në dorë ti dhe imagjino se çar po bën. Po të kesh më shumë pushtet ti? Nuk ia dilni dot me banorët e Unazës së Re. Jemi simbol i mbijetesës, Këtu vendosim ne”, tha ai.
“Po të më thërrasin, unë nuk e respektoj më policinë e krimit. Ajo që mbyti gratë shtatzënë, mbyti motrat, vëllezërit tanë dhe nënat tona me gaz lotsjellës te parlamenti. Unë nuk e respektoj më policinë e drogës, policinë e krimit siç është komisariati numër 6”, shtoi.
Policia ka kryer arrestime dhe shoqërime të vazhdueshme të protestuesve te “Unaza e Re”.
Protoduari i lëshoi një sfidë edhe kryeministrit Edi Rama, që të mos largohet nga zyra ditën e shtunë, kur zhvillohet edhe protesta e thirrur nga opozita.
“Unë e di shumë mirë që në datë 15 do ikësh nga Shqipëria se ke frikë”, u shpreh ai.
“Po të jesh burrë, vijoi, dil atje në shesh duke kërcyer se do ta tregojmë ne sesi kërcehet”, ndërsa më herët përmendi ahengun e kreut të qeverisë më 8 Mars në Fier. /Boldenws.al/
