Nga Boldnews.al
Si gjithnjë ai kërkon vëmendje, edhe atëherë kur atë duhet të marrin të tjerët, të paktën në një ditë çdo gojështhurur, çdo “mëkarar” i vendit, duhet të heshtë para grave shqiptare. Janë ato të cilat përballen çdo ditë me problemet që po i plakin para kohë, po i sëmurin, po i vrasin shpirtërisht e psikologjikisht. Por nuk është e thënë. Sërish shfaqet ai, edhe më 8 Mars…
Kryeministri del drejtëpërdrejtë në thuajse të gjithë mediat, ka shkuar në Fier në festë me gratë. Pamje mahnitëse të femrave, shumica punonjëse të administratës e idhtare të Rilindjes që shfrenojnë imagjinatën…
Kanë të drejtë të harbohen kur mes tyre del kryeministri, një personazh i ngjashëm me striptistët meshkuj. Rama kërkon muzikë, ajo i vjen në çast e nis edhe ai të kërcejë me një kokë dy pëllëmbë e më shumë mbi të tjerat. Plasin videot nga telefonët celularë, ca të markave të fundit. Zonjat e administratës nuk përmbahen më! Janë gati ti thonë Zhvishu, zhvishu, zhvishu…, por përmbahen, ai është kryeqevetar!
Ka dalë në skenë “kryeministrit stript…” Lëvizje, klithje gezimi, dridhje beli e tundje gjoksi nga gratë e administartës sipas tallavasë së lëshuar nga bokset e lokalit të madh. Kjo është Shqipëria e vertetë për kryeministrin. Ky është imazhi që i duhet botës. Nuk janë ata gra që protestonin në Tiranë për të drejtat e tyre. Shqipëria nuk është as si ato të zonjave që e pritën me protest në Roskovec.
Kjo është Shqipëria e vërtetë për sytë e Ramës. Muzikë, kërcim të grave të administratës, parfum e veshje firmato, video e postime në rrjete sociale, urime e lule.
Mijëra gra sot e dinë çështë 8 marsi, por në vend të dhuratës derdhin lotët se nuk kanë me se të ushqejnë mjaftueshëm fëmijën, që vrasin mendjen si ti veshin, si ti shkollojnë, si ti shërojnë në spitalet pa kushte e ilaçe kur të sëmuren. Shifrat të vrasin, ku vetë struktura qeveritare e INSTAT tregon se mbi 35 % e popullsisë jeton nën minimumin jetik, në kufijtë e varfërisë ekstreme. Po këto zonja a janë pjesë e shoqërisë?
Janë edhe ato mijëra gra që sot gjenden në arë, që punojnë tokën me forcën e krahur se nuk kanë para të paguajnë traktorin. Janë edhe ato nëna që veç varfërisi si “dhuratë nga qeveria”, jetojnë edhe dhunën nga bashkëshortët. Ata ende heshtin, por akoma kanë një “fat”… Hapni televizorin. Aty është jeta, aty gjendet bollëku, aty shthuret grania para kryeministrit.
