“Sot Shkodra është më e qetë e më e sigurtë se asnjëherë dhe Policia e Shtetit çdo ditë më efikase”, shkruan në rrjetet sociale Kryeministri Edi Rama, duke iu referuar operacionit kundër fajdeve në këtë qytet.
Policia arrestoi 11 persona dhe shpalli në kërkim 5 të tjerë, ndërsa sekuestroi disa mijëra dollar dhe euro.
“Përshëndetje dhe përgëzime të gjithë forcave policore që u angazhuan në superoperacionin e Shkodrës, duke çmontuar dhe çuar prapa hekurave një grup kriminal keqbërësish. Sot Shkodra është më e qetë e më e sigurtë se asnjëherë dhe Policia e Shtetit çdo ditë më efikase
#RESPEKT”, shkruan Rama.
