Formacioni i mundshëm përballë Kukësit, Bregu mban pezull 11-shen

Bora u largua nga Korça dhe situata i është kthyer normalitetit te Skënderbeu. Skuadra ka vijuar seancën stërvitore pa pengesën e reshjeve dhe Orges Shehi ka pasur mundësi që të përpunojë edhe formacionin për ndeshjen kundër Kukësit. Që në fillim të stërvitjes dhe deri në fund, vëmendja ka qenë e përqendruar te ndërtimi i 11- shes.

I vetmi shqetësim për trajnerin është forma e Dejvi Bregut. Nuk dihet ende nëse vlonjati do të përballojë 90 minuta me intensitet të lartë, ndaj kjo mban pezull edhe 11-shen. Fillimisht, Shehi ka provuar një formacion pa “yllin” vlonjat. Porta i mbetet Dajsinanit, ndërsa para tij do rreshtohen Vangjeli, Radas, Pëllumbi dhe Abazi. Në mesin e fushës Taipi, Dita dhe Sibo. Sakaq, në sulm Pervan dhe Muzaka do të mbështesin Krasniqin.

Por ky ishte vetëm varianti i parë, pasi më tutje trajneri i Skënderbeut vendosi që të hedhë në fushë edhe Bregun nga minuta e parë. Dhe nëse ndodh kështu, rreshtimi do të ndryshojë. Nëse prapavija mbetet e njëjta, në mesin e fushës atje ku Sibo dhe Taipi luajnë në linjë para mbrojtjes, ndërsa Pervan zbret pak më poshtë duke zënë pozicionin e tij natyral. Bregu dhe Muzaka luajnë nga krahët e ofensivës, duke qenë mbështetje për Krasniqin. Për fat mungesa nuk do të ketë, përveç Bruno Lulajt që dihet tashmë./PanoramaSport

PËRGJIGJU

Please enter your comment!
Please enter your name here