Kryeministri Edi Rama është pyetur sot mbi influencat ruse në Shqipëri, pas raportit të paraqitur nga kreu i SHISH-it, Helidon Bendo, sipas të cilit këto influenca janë tentuar deri në nivelet të larta të administratës shteterore.
Por Kryeministri ka thënë se Rusia nuk është vend tifoz i Bashkimit Europian dhe i zgjerimit të saj.
“Rusia nuk është vend tifoz i BE, i zgjerimit dhe nuk mund të ketë tifozllëk për ecurinë Evropiane të asnjë prej vendeve të Ballkanit perëndimor, nuk është sekrete, kjo dihet.
Ndërkohë që ne kemi një axhendë kombëtare kryefjala e të cilës është të bashkohemi në familjen evropiane.
Sa herë kjo axhendë cënohet aq herë kush nuk është tifoz i Evropës dhe BE, integrimit të Shqipërisë dhe Ballkanit perëndimor sheh një oportunitet, kaq”, u shpreh Rama.
