Forca të shumta policie kanë rrethuar Kuvendin e Shqipërisë, ku po zhvillohet seanca parlamentare e javës.
Ndonëse nuk ishte paralajmëruar ndonjë protestë nga opozita, disa orë para nisjes së seancës, godina e Kuvendit ishte rrethuar me gardhe, ndërsa dhjetra forca policore ishin në gadishmëri.
Ish-deputetja demokrate, Albana Vokshi, kryetare e LGDSH-së, ka reaguar lidhur me situatën e krijuar para Kuvendit, ku nuk kanë munguar as autoblindat.
“Këto janë pamjet e të gjitha rrugëve rreth e rrotull Parlamentit sot në mëngjes, si cdo ditë që ka seance parlamentare. Tirana edhe sot në shtetrrethim për karrigen e Edi Rames.
Mijëra policë e autoblinda kanë mbushur rrugët si në shtetrrethim.
Deputetët që mbrohen nga populli s’mund të jenë asnjëherë përfaqësues të tij.
Edi Rama po qeveris me regjim ushtarak! Dhe kjo është dëshmia e fundit të diktatorëve.
Askush nuk do ta pranojë më këtë regjim sepse shqiptarët i kujtojnë siç ata dinë agresorët e lirive të tyre!
#Protesto16Mars”, shkruan Vokshi.
