Rreh djalin dhe më pas qëllon me thikë edhe vajzën e mitur. Ngjarja e rëndë ka ndodhur në Vlorë, ndërsa policia arrestoi 50-vjeçarin, P.Sh.
Mbi të rëndon akuza e dhunës në familje, ndërsa ndërhyrja e shpejtë e policisë ka parandaluar përshkallëzimin e një konflikti familjar.
Njoftimi
Ndërhyrja në kohë e Policisë parandalon një krim në familje.
Policia e Vlorës falë ndërhyrjes në kohë ka parandaluar përshkallëzimin e një konflikti familjar me pasoja të rënda.
Arrestohet në flagrancë shtetasi P.Sh., 50 vjeç, pasi në banesë, nën e efektin e pijeve alkoolike, ka ushtruar dhunë fizike ndaj djalit të tij dhe ka plagosur lehtë në dorë me mjete prerëse (thikë) vajzën e mitur.
Materialet hetimore iu referuan Prokurorisë Vlorë, për veprën penale ”Dhuna në familje”.
