Kryeministri Edi Rama ka menduar një darkë pune me anëtarët e kryesisë së PS-së dhe anëtarët e kabinetit qeveritar pasditen e së martës.
Sikundër mësohet, Rama ka zgjedhur qytetin e Elbasanit për të darkuar me bashkëpunëtorët e tij të afërt.
Mësohet se darka do të nisë në orën 18:30 dhe duket se gjithçka do të ketë lidhje me situatën politike në vend, e tensionuar veçanërisht pas dorëzimit të mandateve nga deputetët e opozitës.
Burimet bëjnë me dije se në darkën e Ramës me ministra dhe anëtarë të kryesisë do të diskutohet mbi përgatitjen e zgjedhjeve, kandidatët dhe kongresin e 23 marsit, ku pritet që të zyrtarizohen kandidaturat e PS-së për kryebashkiakë.
Megjithëse vendimi që pritet të merret në kongres është tërësisht formal, pasi Rama ditë pas dite po konfirmon kandidaturat, pas pritur më parë mbledhjen e forumeve.
Kjo e fundit është vendosur në krye të protestave popullore duke kërkuar largimin e Kryeministrit Rama, krijimin e një qeverie tranzitore dhe përgatitjen për zgjedhje të parakohshme.
Ndërkohë Rama dhe përfaqësues të tjerë të Rilindjes insistojnë në zhvillimin e zgjedhjeve në 2021, ndërsa theksojnë se nuk ka asnjë arsye sepse vendi mund të hyjë në një krizë përsa kohë institucionet funksionojnë. Dhe në kuadër të funksionimit të institucioneve, përfshi edhe Parlamentin, Rilindja po përpiqet që të trajtojë si një opozitë të re deputetët që kanë pranuar mandatet në emër të PD dhe LSI.
