Kryetarja e Lëvizjes Socialiste për Integrim, Monika kryemadhi ka zhvilluar një takim me strukturat e LSI në Cërrik. Në fjalën e saj kryemadhi theksoi se sot Shqipëria është në gjendje të vështirë për shkak të qeverisjes.
Ajo theksoi se deputetët morën vendimin për të djegur mandatet, pas protestës së 16 Shkurtit, ku qytetarët vendosën që të mos e njohin më këtë parlament kriminal.
Më tej kryetarja e LSI theksoi se janë dy dosje kriminale që po mbajnë peng të ardhmen e Shqipërisë në Evropë.
‘Ne jemi deputetë edhe pse nuk kemi mandate, pasi jemi përfaqësues të dëshirave dhe vendimeve që kanë marrë qytetarët. Për herë të parë deputetët e Kuvendit, morën një vendim që e kishin marrë qytetarët. Protesta e 16 Shkurtit na dha forcë për të djegur mandatet. Dosja 339 dhe Dosja 184 po mbajnë peng Shqipërinë dhe të ardhmen e saj në Bashkimin Europian’, deklaroi Kryemadhi.
https://www.facebook.com/KryemadhiMonika/videos/329582001004501/
