“Sot jemi para një kapjeje të institucionit”. Këto ishin fjalët e Ylli Gurrës për gazetarët, pas shpalljes së fituesit në garën për kreun e Komunitetit Mysliman Shqiptar.
Sot, kreu i ri i Komunitetit Mysliman Bujar Spahiu, ka mohuar akuzat e kandidatit Ylli Gurra, Në emisionin ‘Përballje’ në TVSH, Spahiu u shpreh se ambasada amerikane dhe OSBE-ja e përgëzuan për procesin dinjitoz dhe trasparent.
“Dhe në këtë rast, komuniteti pati vëmendje të veçante. Në menyrë të natyrshme edhe me parë, komuniteti ka qenë nën vëzhgim. Ambasada amerikane dhe OSBE-ja patën kureshtje per të ndjekur garën. Ato e panë me sytë e tyre si ecen puna dhe ata shprehën falenderimet e tyre per këte proces dinjitoz dhe transparent. Vemendje ishte e veçante sepse kemi te bejme me komunitetin me te madh ne Shqiperi”, tha ai duke mohuar kategorikisht edhe akuzat se ështe i përzgjedhuri i gulenistëve.
“Normalisht është debat i imponuar nga jashtë, të cilët nuk do jenë pjesë e lidershipit tim. Eshte diçka e tepruar të merremi me gjëra të kësaj natyre. Jemi në Shqiperi, kemi hallet tona dhe shume gjëra per t’u bërë”, përfundoi Spahiu. /BN/
