Qytetarë të Fierit janë organizuar në një protestë kundër kryeministrit Edi Rama, ndërkohë që ky i fundit pritet të nisë takimet rreth orës 11:00 në këtë qark.
Policia ka bllokuar protestuesit disa metra larg vendit ku Rama do të zhvillojë takimin, duke moslejuar afrimin e qytetarëve. Protestuesit mbajnë në duar pankarta kundër Kryeministrit Rama, ndërsa kërkojnë largimin e tij.
Disa dhjetra forca policore janë angazhuar për të mbajtur nën kontroll protestuesit, ndërsa nuk janë regjistruar incidente.
Policia ka vendosur një kordon duke penguar protestuesit të kalojnë rrugën, ndërkohë që në anën tjetër të saj pritet nisja e takimit ku do të jetë prezent Kreu i Qeverisë.
Një ditë më parë qytetarët e Fierit protestuan sërisht kundër Kryeministrit Rama, ndërsa në orët e mbrëmjes policia shoqëroi mbi 40 persona, ndërsa arrestoi 4 persona.
